Ye Dil udaas hai bas ek pal ko aao tum
Qareeb aa ke hume fir se aazmao tum
khata hai meri to de do koi saza mujhko
Ye kab kaha ke mujhe tanha chhod jao tum
Teri Qasam ne to marne bhi na diya mujhko
Mere wujood pe itna sitam na dhaao tum
Wafa ka waasta de kar tumhe bulata hun
Bhula ke shikwe sabhi ab to maan jao tum
Musarrato ke diye kab ke bujh gaye 'Alam'
Chirag-e-Aarzoo ko ab to na bujhaoo tum...